Muqdisho (Tayosame news) -Dhimashaddii ka dhalatay Weerarkii Gadhiga Xamuulka ah loo isticmaalay ee Muqdisho ka dhacay 14 kii October ayaa gaadhay 512 Qof, sida ay Daabaceen Qaarka mid ah Warbaahinta Caalamiga ah oo aanu soo xiganaya Guddigii Baadhayay Musuubadda.
Tiradda Dhimashadda ayey Doladda Soomaaliya ku shegtay markii Hore 358 taasi oo ahayd Tiradii ugu badneeyd ee Mar qur ah ku dhimatay Hal weerar, Taariikhda Soomaliya.
Majirto Cid si rasmi ah u sheegatay Weerarkii 14 kii October hase ahaatee Masuuliyiinta Dowladda ayaa ku eedeeyay in ay fuliyeen Xarakadda Al-shabaab oo Weerarro ismiidaamin ah ku qaada Xarumaha Dowladda iyo Goobaha ay Dadku ku badanyihiin.
VOA Africa ayaa Daabacday in Warbixinta Gudiga ay dowladdu Heli doonto Todobaadkaan, Hase ahaate ilaa iyo hadda Majiro War rasmi ah oo ay Warbaahinta siiyeen Guddiga loo Xilsaaray Baadhista muusiibadii Soobe.
Dowladda Soomaliya ayaa sheegtay in ay Weerarkii Soobe uga jawaabeeyso Guluf ay ku qaadeeyso Al-shabaab, inkastoo aysan Dowladdu wali si rasmi ah u bilabin Gulufkii ay Balanqqaaday, Hadana Taliska mareeykanka ee Qaaradda Africa ayaa Qaaday Duqaymo Adag oo uu la beegsaday Saldhigyo ay Al-shabaab ku leyihiin Koofurta Soomaaliya, Sidoo kale Mareeykanka aya Weerarkii Soobe ka dib wuxuu markii u horeeysay Duqaymo la beegsaday Daacishta Soomaaliya
