Somalia (Tayosame news) Ciidamada Sida gaarka ah utababaran ee Kumaandooska Soomaaliya ayaa sheegay in ay ku guulaysteen khaarajinta Saraakiil ka tirsan Al Shabaab kadib howlgal gaar ah oo ay ka fuliyeen tuulooyin hoostaga degaanka Buulo Mareer ee Gobolka Shabeellaha Hoose, Sida ay warbaahinta uxaqiijiyeen saraakiil ka tirsan Ciidamada xoogga dalka ee gobolka Shabeellha Hoose Dhimashada Labadasi Sarkaal.
Howlgalkan Lagu dilay saraakiil ka tirsan Al Shabaab ayaa ahaa mid mudooyinkan dambe ciidamada Kumaandooska Soomaaliya ay ku daba jireen waxa uuna noqday howlgal sidii la rabay udhacay.
Zubeyr Almuhaajir, waxa uu kamid yahay Saraakiisha Ajaanibta ah ee lagu dilay degaanka Buulo Mareer waxa uuna uqaabilsanaa Tababarada Al-shabaab ee Gobolka Shabeellaha Hoose Sidoo kale waxaa howlgalka lagu dilay Sarkaal kale oo lagu magacaabo Macalin Cumar.
Mudooyinkii ugu dambeeyay Ciidamada kumaandooska soomaaliya ayaa sameenaya howlgallada lagu baacsanayo Al Shabaab Si gaar ah Gobolka Shabeellaha Hoose.
