Hargeisa: (Tayosame news) Waxaa muddo bil ah inaga xigtaa doorashada madaxtooyada Somaliland oo la filaayo in ay dalka ka dhacdo 13.11.2017 , taas oo ay ku tartami doonan saddexda xisbi ee Kulmiye , Waddani iyo UCID .
Sidoo kale waxaa dhawaan si rasmi ah u bilaabi doono olalaha doorashada madaxtooyada Somaliland kaas oo xisbi waliba uu olale sameyn doono muddo 7 cisho ah .
Waxaana maalinta ugu horeysa ee olalaha doorashada ku furmi doona xisbiga Mucaaridka ah ee UCID , waxaa ku xigi doona isla maalinka Axada xisbiyada muxaafidka ah ee Kulmiye halka uu ugu danbeyn doono xisbiga mucaaridka ah ee Waddani.
Olalaha ayaa waxa uu socon doona Muddo 21 cisho ah ka dibna laba maalmood ka dib waxaa toos loogu dareeri doona cod bixinta sida ay guddida doorashooyinku qorsheyeen.
