Muqdisho (Tayosame News) Kooxo hubeysan ayaa xalay maqribkii ku toogtay Suuqa Bakaaraha ee Magaalada Muqdisho nin oday ah oo ka mid ahaa dadka ku sugnaa Suuqaas.
Dilkan ayaa ka dhacay wado ka timaada Suuq yaraha sarifka oo xagga dambe ka marta xaruntii hore ee Shirkadda Isgaadhsiinta Hormuud oo ku taalla Wadada koowaad ee Suuqa Bakaaraha.
Goob-joogayaal ayaa sheegay in odaygan oo wadada iska socday ay rasaas ku fureen rag bastoolado ku hubeysan oo goobta ka baxsaday markii dambe.
Lama oga illaa hadda waxaa uu ahaa odaygan iyo sababta ka dambeysay in raggan hubeysan ay toogashada ku dilaan, iyadoo sida wararku sheegayaan markii dambe dad eheladiisa ah ay goobta ka qaadeen meydkiisa.
Suuqa Bakaaraha oo ah kan ugu weyn Muqddisho iyo guud ahaan Somalia ayaa mararka qaarkood waxaa ka dhaca dilal loo geysto qaar ka mid ah ciidamada amaanka iyo dad rayid ah, iyadoo inta badana ay baxsadaan kooxaha hubeysan ee dilalkaas geysta.
