Hargeisa (Tayosame News) Dayax madoobaadkii ugu dheeraa qarnigan ayaa caawa laga arkay inta badan caalamka, sida horay loo saadaaliyay, iyadoo Dayaxu uu gebi ahaanba madoobaaday.
Dayax madoobaadka ayaa laga arkay Somaliland iyo Afrika, waxaana uu socday illaa afar saacadood.
Meelo ka mid ah magaalada Hargeisa iyo gobolada dalka ayaa waxaa ka bilowday Alle bari, iyadoo masaajidada loo dareeray.
Sidoo kale dadweyne fara badan ayaa sida caadada ah waxay bilaabeen inay waddooyinka isugu soo baxaan, iyagoo alle bari sameynaya.
