Somaliya (Tayosame news) -War lagu Faafiyay Baraha Taageera Xarakada Al-shabaab ayaa lagu sheegay in Gaadhi laga soo buuxiyay Waxyaabaha Qarxa ay la beegsadeen Ciidamo isugu jira Mareykan iyo AMISOM oo marayay Duleedka Galbeed ee Magaalada Muqdisho.
Warka Al-shabaab ayaa lagu sheegay in Gaadhi ay la socdeen Saraakiil Mareykan ah oo ka yimid Gobolka Shabellaha Hoose ay ku dhufteen Gaadhi laga soo buuxiyay Waxyaabaha Qarxa oo uu waday mid kamida Dagaalameyaasha Al-shabaab.
Saraakiisha Ciidamada Dowladda Federaalka iyo kuwa AMISOM weli wax war ah kama soo saarin,inkastoo la sheegay in Qaraxa uu Khasaare gaadhsiiyay Dad Shacab ah oo Goobta marayay.
Al-shabaab ayaa Magaalada Muqdisho iyo Gobollada Dalka ka fuliya Qaraxyo kala duwan,waxaana Khasaaraha ugu badan uu ka soo gaadhaa Dadka Rayidka ah.
