Manchester United ayaa xaqiijisay in Ander Herrera uu ka tagayo kooxda xagaagan iyadoo ciyaaryahanka uu isna soo duubay muuqaal ku xaqiijisanayo inuu shan sannadood ka dib isaga tagayo garoonka Old Trafford.
Xiddiga khadka dhexe ee Spain ayaa qandaraaskiisa uu dhacayaa dhamaadka xilli ciyaareedka ka dib markii uu ku guuldareystay inuu heshiis qandaraas kordhin ah la gaaro kooxda.
Waxaa haatan la filayaa inuu ku biiro Paris Saint-Germain oo u soo bandhigtay qandaraas 25 milyan ginni ah iyadoo ay bilowdeen xiddigaha ka tagaya Old Trafford xagaagan.
Herrera oo 30 jir noqonaya bisha Agoosto ayaa doonayay mushahar 200 kun ginni isbuucii inuu ku qaato Old Traffoed laakiin Ed Woodward ayaa diiday dalabkiisa.
Xiddiga khadka dhexe ayaa United ku biiray sannadii 2014 waxaana uu la qaatay FA Cup, League Cup iyo Europa League mudadii uu joogay Old Trafford.
Herrera ayaa qeyb ka noqon doonaa kooxda Manchester United ee kulanka ugu danbeeya xilli ciyaareedka Premier League la ciyaari doonta Cardiff City ka hor inta uusan macsalaameynin asxaabtiisa kooxda.
Xiddiga reer Spain waxa uu baraha bulshada soo dhigay muuqaal qiiro leh oo uu kula hadlayo taageerayaasha United.
Muuqaalka Herrara ka daawo halkaan hoose
A goodbye message from @AnderHerrera. đź”´ #MUFC pic.twitter.com/z56bmBwXa9
— Manchester United (@ManUtd) May 11, 2019
