Bayern Munich ayaa lagu wadaa inay tababare ka dhigato macallinkoodii hore ee Jupp Heynckes inta ka harsan xilli ciyaareedka cusub.
Kooxda reer Germanay ayaa iska ceyrisay Carlo Ancelotti kaddib markii ay guul darro 3-0 kala kulmeen PSG tartanka Champions League, waxaana imina lagu wadaa inay soo ceshtaan 72-jirka horey u leylin jiray sida ay warineyso jariiradda The Bild.
Heynckes ayaa isaga fariistay ciyaaraha 2013 markii uu saddex koob kula guuleystay Bayern labo sano oo is xigta waxaana lagu badelay Pep Guardiola.
Laakiin waxaa iminka lagu wadaa inuu si lama filaan ah uga soo laabta is casilaada si uu u leyliyo kooxda xafidaneysa Bundesliga inta ka harsan kal ciyaareedkan.
