Somalia (Tayosame news) War goor dhawedy naga soo gaadhay duleedka degmada Balcad ee Gobolka Shabeellaha dhexe ayaa waxa ay sheegayaan in haatan deegaano hoostaga degmadaasi uu ka socdo dagaal culus, una dhaxeeyo Xoogaga katirsan Xarakada Al-shabaab iyo Ciidamo katirsan kuwa Amisom ee gobalkaasi ka howlgala.
Dagaalkan ayaa waxa uu sigaar ah uga socda deegaanka haansheekh ee duleedka degmada Balcad ee Gobolka Shabeellaha dhexe, halkaasi oo dagaalyahano katirsan Al-shabaab ay weerar xoogan kusoo qaadeen Saldhig ciidamada Amisom ay ku lahayeen duleedka degmada Balcad ee Gobolka Sh/dhexe.
Wakiil wareedka idaacada Simba ee Gobolka Shabeellaha dhexe ayaa sheegay in dagaalka uu yahay mid xoogan labada dhinacna ay is weedaarsanayaan hubka noocyadiisa kala duwan, dagaalkana uu yahay mid xoogan oo aan lama xaqiijin karin khasaaraha ka dhashay dagaalkaasi iminka ka soconaya duleedka degmada balcad ee gobalka Shabeellaha dhexe.
Dhanka kale wali wax war ah kama soo bixin Al-shabaab oo ku aadan dagaalkaan ka soconaya deegaanka hansheekh ee duleedka degmada balcad ee gobalka Shabeellaha dhexe.
