Chelsea (Tayosame news ) Warar xan ah ayaa sheegaya in Chelsea ay ceyrin doonto Antonio Conte islamarkaana ku bedeli doonto tababarihii hore ee Borussia Dortmund Thomas Tuchel.
Sida laga soo xigtay wargeyska Bild, kadib markii Chelsea guuldarro 3-2 ah kasoo gaartay Burnley, milkiilaha kooxda Roman Abrahimovich ayaa su’aalo ka keenay booska macalin Conte.
Sidaas darteed, Milkilaha Ruushka wuxuu weydiistay ku xigeenkiisa Marina Granovskaia inuu xiriir la sameeyo macalin Tuchel, kaasoo ka maqan shaqada tababarnimo kadib markii uu ka tagay Dortmund dhamaadkii xilli ciyaareedkii hore.
43 jirkaan ayaa BVB ku hogaamiyay Koobka Jarmalka xilli ciyaareedkii 2016-17, laakiin wuxuu ka tagay markii ay isku dhaceen gudiga kooxda.
Si kastaba ha ahaatee, Daily Telegraph ayaa warineysa in aan la hubin mustaqbalka Conte, macquulna tahay in lagu bedelo Tuchel oo shaqo la’aan ah.
