Puntland (Tayosame news) Wararka soo gaadhaya xafiiska war qabadka tayosamenews ayaa shegaya in qarax lagu soo xidhay gaadhi uu ka dhacay magaaladaasi
Qaraxan ayaa wararka waxa ay sheegayaan inuu ka dhacay xaga dambe ee wadada marta Madaxtooyada Magaalada Gaalkacyo qaybta Puntland, iyadoo dhaawac culus uu soo gaadhay Sarkaalkii watay gaadhigaasi.
Sarkaalka qaraxa lala eegtay ayaa lagu magacaabaa Cali Magafe, wuxuuna ka tirsan yahay ciidamada Booliska Puntland, xilliga la qarxinaayay gaadhigiisa ayaa wuxuu u sii socday goobtiisa shaqada.
Qaraxa gaadhiga loo xidhay Sarkaalkaasi ayaa wararka waxa ay sheegayaan inuu ahaa nooca dhajiska loo yaqaan ee Baabuurta lagu xidho.
Al Shabaab ayaa Qaraxyo iyo dilal qorsheysan la eegta Saraakiisha ciidamada Booliska Puntland ee ku sugan Waqooyiga Magaalada Gaalkacyo.
