Hargeisa ()Tayosame news) iyada oo shalay hotel Ambassador ee magaalada Hargeysa uu ka socday shirwayne la marin habaabiyay oo la doonayay in lagu doorto hogaanka sare iyo boodhka ugu sareeyey ururka suxufiyiinta Somaliland ee SOLJA ayaa waxa goordhawayd la doortay 15-ka xubnood ee ugu sareeyey ururka suxufiyiinta Somaliland ee SOLJA.
15-kan Xubnood ee la doortay ayaa iska sii dhex doortay gudoomiye,gudoomiye ku xigeen iyo xoghaye,kuwaas oo ahaa kuwo hore u qorshaysnaa in la dooranayo,waxaana xubnaha ergada ah iyo suxufiyiinta ka qayb galay shirkaasiba ay ahaayeen kuwo lasoo xulay oo doonayay in uu soo noday gudoomiyihii xilku ku dhamaaday Maxamuud Cabdi Jaamac “Xuuto”iyo boodhka SOLJA.
Sidoo kalena boodhkii hore ayaa waxa kaga jira oo dib usoo noqday 6 kamid ah,kuwaas oo markii horeba ay iska cadayd inay soo noqonayaan,ahaana kuwa ay saluuga ka muujiyeen saxafiyiintii cabanayay.
Xubnaha la doortay iyo codadka ay kala heleen ayaa u dhignaa sida tan
1.Mohamed Farah Coomaade 97 cod.
2. Barkhad M. Kaariye 96 cod.
3. Maxamuud C jaamac Xuuto 95 cod.
4. Saynab Maxamed Cabdi 95 cod.
5. Xayaad Maxamed C.laahi 95 cod.
6 . Sakriye Axmed Muxumed 90 cod.
7. Cabdi Xasan 88 cod.
8. Mukhtaar Cabdiraxman 88 cod.
9. Yaxye Sheekh Ismacil 87 cod
10.Cabdilaahi X Darwiish 84 cod.
11. Faysal Adan Fifa 83 cod.
12.Maxamed Kuraase 82 cod.
13. Saleban Xaashi 81 cod.
14. Abdifatah MursalMursal 81 cod.
15 . Mawlid Shaqle Maxamed 77 cod.
Waxaana gudoomiyaha ururka suxufiyiinta Somaliland ee SOLJA loo doortay Maxamuud Cabdi Jaamac “Xuuto” oo dib usoo noqday,Gudoomiye ku xigeenna waxa loo doortay Yaxye Sheekh Ismaaciil oo ah agaasimaha bariga afrika ee Kalsan-tv iyo Sakariye Axmed Muxumed oo ah madaxa Barnaamiyada ee Radio Hargeysa.
